പകർച്ചവ്യാധി ഭീഷണി ആരോഗ്യ വകുപ്പിലെ ഉന്നത ഉദ്യോഗസ്ഥരുമായി ആരോഗ്യമന്ത്രിയുടെ അടിയന്തര യോഗം ഇന്ന്
- വിവിധ ജില്ലകളിലെ ജില്ലാ മെഡിക്കൽ ഓഫീസർമാരും ഡെപ്യൂട്ടി ഡിഎംഒമാരും തിരുവനന്തപുരത്ത് എത്തുന്ന പരിപാടിയിൽ നിർബന്ധമായും പങ്കെടുക്കണമെന്നാണ് വകുപ്പിന്റെ കർശന നിർദ്ദേശം.
തിരുവനന്തപുരം:സംസ്ഥാനത്ത് പകർച്ചവ്യാധി ഭീഷണി കനക്കുന്നതിനിടയിൽ ആരോഗ്യ വകുപ്പിലെ ഉന്നത ഉദ്യോഗസ്ഥരെ അടിയന്തരമായി തലസ്ഥാനത്തേക്ക് വിളിപ്പിച്ചു. കാസർകോട് ഉൾപ്പെടെയുള്ള വിവിധ ജില്ലകളിലെ ജില്ലാ മെഡിക്കൽ ഓഫീസർമാരും ഡെപ്യൂട്ടി ഡിഎംഒമാരും തിരുവനന്തപുരത്ത് എത്തുന്ന പരിപാടിയിൽ നിർബന്ധമായും പങ്കെടുക്കണമെന്നാണ് വകുപ്പിന്റെ കർശന നിർദ്ദേശം. പകർച്ചവ്യാധി പ്രതിരോധ പ്രവർത്തനങ്ങൾ ഏകോപിപ്പിക്കുന്നതിന് പകരം ഉദ്യോഗസ്ഥർക്ക് അച്ചടക്ക നടപടികൾ സംബന്ധിച്ച് ക്ലാസ് എടുക്കാനാണ് ഈ അടിയന്തര യോഗം വിളിച്ചുചേർത്തിരിക്കുന്നത്. കാസർകോട് മുതലുള്ള കേരളത്തിലെ വിവിധ ജില്ലകളിലെ ഡിഎംഒമാരും ഡെപ്യൂട്ടി ഡിഎംഒമാരും ഈ
പരിപാടിയിൽ പങ്കെടുക്കണം .
സംസ്ഥാനത്ത് പകർച്ചവ്യാധി പടർന്നുപിടിക്കുന്ന സാഹചര്യത്തിൽ പ്രതിരോധ പ്രവർത്തനങ്ങൾക്ക് നേതൃത്വം നൽകേണ്ട ഉന്നത ഉദ്യോഗസ്ഥരെ അച്ചടക്ക നടപടികളെക്കുറിച്ചുള്ള ക്ലാസിൽ പങ്കെടുക്കാൻ തലസ്ഥാനത്തേക്ക് വിളിപ്പിച്ചത് ആരോഗ്യ മേഖലയിൽ വലിയ ചർച്ചകൾക്ക് വഴിവെച്ചിട്ടുണ്ട്. കാസർകോട് പോലെയുള്ള വിദൂര ജില്ലകളിൽ നിന്നുള്ള മെഡിക്കൽ ഓഫീസർമാർ അടക്കം ഈ അടിയന്തര പരിപാടിയുടെ ഭാഗമാകേണ്ടതുണ്ട്.
