സംസ്ഥാനത്ത് സ്വർണവില വീണ്ടും കുറഞ്ഞു

• പത്തുദിവസത്തിനിടെ പവന് 3000 രൂപയാണ് ഇടിഞ്ഞത്.

കൊച്ചി: സംസ്ഥാനത്ത് സ്വർണവില വീണ്ടും കുറഞ്ഞു. പവന് 80 രൂപയാണ് കുറഞ്ഞത്. 1,04,720 രൂപയാണ് ഒരു പവൻ സ്വർണത്തിന്റെ വില. ഗ്രാമിന് ആനുപാതികമായി 10 രൂപയാണ് ഇടിഞ്ഞത്. 13,090 രൂപയാണ് ഒരു ഗ്രാം സ്വർണത്തിന്റെ വില. പത്തുദിവസത്തിനിടെ പവന് 3000 രൂപയാണ് ഇടിഞ്ഞത്.

ഒരിടവേളയ്ക്ക് ശേഷം അമേരിക്ക- ഇറാൻ സംഘർഷം കനത്തതോടെ എണ്ണവില കുതിച്ച് ഉയർന്നത് അടക്കമുള്ള വിഷയങ്ങളാണ് സ്വർണവിലയെ സ്വാധീനിക്കുന്നത്. എണ്ണവില വർധന വിലക്കയറ്റത്തിന് കാരണമാകുമെന്ന വിലയിരുത്തലിന്റെ അടിസ്ഥാനത്തിൽ യുഎസ് ഫെഡറൽ റിസർവ് പലിശനിരക്ക് കൂട്ടാൻ തയ്യാറായേക്കുമെന്ന റിപ്പോർട്ടുകളും സ്വർണവിലയിൽ പ്രതിഫലിക്കുന്നുണ്ട്.