‘കൃതിക’ ബസിന് വീണ്ടും പിഴയിട്ട് മോട്ടോർ വാഹന വകുപ്പ്

• 7,500രൂപയാണ് ബസിന് പിഴ ചുമത്തിയിരിക്കുന്നത്.

കോഴിക്കോട്: ആറുവരി ദേശീയപാതയിൽ തെറ്റായ ദിശയിൽ സർവീസ് നടത്തിയ ‘കൃതിക’ ബസിന് വീണ്ടും പിഴയിട്ട് മോട്ടോർ വാഹന വകുപ്പ്. 7,500രൂപയാണ് ബസിന് പിഴ ചുമത്തിയിരിക്കുന്നത്. നിയമലംഘനം നടത്തിയ ഡ്രൈവറുടെയും കണ്ടക്ടറുടെയും ലൈസൻസ് ആറ് മാസത്തേക്ക് സസ്പെൻഡ് ചെയ്തിട്ടുണ്ട്.

കൊയിലാണ്ടി തിരുവങ്ങൂർ – പൂക്കാട് ഭാഗത്ത് വച്ചായിരുന്നു സംഭവം. ബസിന്റെ ഡ്രൈവർ എടപ്പാളിൽ നിർബന്ധിത റോഡ് സുരക്ഷ പരിശീലനം പൂർത്തിയാക്കണമെന്നും എംവിഡി നിർദേശിച്ചിട്ടുണ്ട്. കഴിഞ്ഞാഴ്ച ബസ് സ്റ്റോപ്പിൽ ഇറക്കാതെ ഉയരപ്പാതയിൽ യാത്രക്കാരിയെ ഇറക്കിവിട്ട ‘കൃതിക’ ബസിന് നടപടി നേരിടേണ്ടി വന്നിരുന്നു.