കെ.പി.എസ്.ടി.എ.മേലടിയുടെസ്നേഹസ്പർശം; മേപ്പയ്യൂർ പാലിയേറ്റീവ് കെയറിന് ഉപകരണങ്ങൾ കൈമാറി

• പരിപാടി സംസ്ഥാന എക്സിക്യൂട്ടിവ് അംഗം സജീവൻ കുഞ്ഞോത്ത് ഉദ്ഘാടനം ചെയ്തു

മേപ്പയ്യൂർ:ഉമ്മൻ ചാണ്ടി ദിനത്തോടനുബന്ധിച്ച് കെ.പി.എസ്.ടി.എ. മേലടി ഉപജില്ലാ കമ്മിറ്റിയുടെ നേതൃത്വത്തിൽ ‘സ്നേഹസ്പർശം’ പദ്ധതിയുടെ ഭാഗമായി
മേപ്പയ്യൂർ പാലിയേറ്റീവ് കെയറിന് വീൽച്ചെയർ ഉൾപ്പെടെയുള്ള ഉപകരണങ്ങൾ കൈമാറി.

പരിപാടി സംസ്ഥാന എക്സിക്യൂട്ടിവ് അംഗം സജീവൻ കുഞ്ഞോത്ത്
ഉദ്ഘാടനം ചെയ്തു. പാലിയേറ്റീവ് കെയർ ജനറൽ സെക്രട്ടറി വട്ടക്കണ്ടി ബാബുരാജ് ഉപകരണങ്ങൾ ഏറ്റുവാങ്ങി. ഉപജില്ലാ പ്രസിഡൻ്റ് കെ.നാസിബ് അധ്യക്ഷത വഹിച്ചു. മേലടി എ.ഇ.ഒ.പി.ഹസീസ് ഉമ്മൻ ചാണ്ടി അനുസ്മരണ പ്രഭാഷണം നടത്തി.
ടി.സി.സുജയ,ആർ.പി. ഷോഭിദ്, കെ.വി.രജീഷ് കുമാർ, പി.കെ.അബ്ദുറഹ്മാൻ, ജെ.എൻ.ഗിരീഷ്, പി.കൃഷ്ണകുമാർ, എം.കെ.കുഞ്ഞമ്മത്,
എ.വിജിലേഷ് എന്നിവർ സംസാരിച്ചു