ട്രോളിങ് നിരോധനം നാളെ മുതൽ

• എല്ലാ ബോട്ടുകളും ഹാർബറിൽ തിരിച്ചെത്തണമെന്ന് കർശന നിർദേശം

ബേപ്പൂർ: ട്രോളിങ് നിരോധനം നാളെ അർധരാത്രി മുതൽ നിലവിൽ വരും. ഇത്തവണയും 52 ദിവസമാണ് നിരോധനം. ആഴക്കടലിൽ മീൻപിടിത്തത്തിന് പോവുന്ന യന്ത്രവത്കൃത ബോട്ടുകൾ മിക്കതും മത്സ്യബന്ധനം അവസാനി പ്പിച്ച് ഹാർബറിൽ എത്തിക്കഴിഞ്ഞു.ബാക്കിയുള്ളത് ഞായറാഴ്ച വൈകീട്ടോടെ തിരിച്ചെത്തും.

കരയിലും കടലിലും നിരോധനം സംബന്ധിച്ച മുന്നറിയിപ്പുകൾ ഫിഷറീസ് വകുപ്പ് നേരത്തെ നൽകി. നാളെ അർധരാത്രിയോടെ എല്ലാ ബോട്ടുകളും ഹാർബറിൽ തിരിച്ചെത്തണമെന്ന് കർശന നിർദേശമുണ്ട്.