മുക്കത്ത് വാഹനാപകടത്തിൽ മേപ്പയൂർ സ്വദേശി മരിച്ചു

• ബൈക്കിനെ ലോറി മറികടക്കുമ്പോഴാണ് അപകടം നടന്നത്

മുക്കം:മുക്കം അഭിലാഷ് ജംഗ്‌ഷനിൽ ലോറിയും ബൈക്കും കൂട്ടിയിടിച്ച് ഉണ്ടായ വാഹന അപകടത്തിൽ ഗുരുതര പരിക്കേറ്റ ബൈക്ക് യാത്രക്കാരൻ മരിച്ചു.
മേപ്പയ്യൂർ കണ്ണമ്പത്ത് കണ്ടി ബാലകൃഷ്ണന്റെ മകൻ ഷിബിൻലാൽ (35)ണ് മരിച്ചത്.

ഇന്നലെ രാത്രി 9:30 തോടെയാണ് സംഭവം. ബൈക്കിനെ ലോറി മറികടക്കുമ്പോഴാണ് അപകടം നടന്നത് . അപകടത്തിന്റെ സിസിടിവി ദൃശ്യം ലഭിച്ചിട്ടുണ്ട്.
ലോറി അമിത വേഗത്തിലായിരുന്നു എന്ന് ദൃക്‌സാക്ഷികളായ നാട്ടുകാർ പറയുന്നു .

അപകടം നടന്ന ഉടനെ മുക്കം പോലീസും നാട്ടുകാരും ചേർന്ന് ഗുരുതരമായി പരിക്കേറ്റ ഷിബിൻ ലാലിനെ ആശുപത്രിയിൽ എത്തിച്ചെങ്കിലും മരണ പെടുകയായിരുന്നു. ഐശ്വര്യയാണ് ഷിബിന്റെ ഭാര്യ. ഒന്നര വയസ്സുള്ള കുട്ടി ഉണ്ട്. അമ്മ:ശ്യാമള. സഹോദരി:അശ്വതി.