വാൽപ്പാറ അപകടം താങ്ങാനാവാത്ത ദുഃഖമാണ് ഉണ്ടായിരിക്കുന്നത് -മന്ത്രി വി ശിവൻകുട്ടി

• ബന്ധപ്പെട്ട എല്ലാ സംവിധാനങ്ങളും മുഖ്യമന്ത്രി കൂടി ഇടപെട്ട് ചെയ്തിരുന്നു.

തിരുവനന്തപുരം : 9 പേരുടെ മരണത്തിനിടയാക്കിയ വാൽപ്പാറ അപകടം താങ്ങാനാവാത്ത ദുഃഖമാണ് ഉണ്ടായിരിക്കുന്നതെന്ന് മന്ത്രി വി ശിവൻകുട്ടി. ഒരു സ്കൂളിൽ ഇന്നലെ വരെ പഠിപ്പിച്ചിരുന്നവരിൽ ഒരു അധ്യാപകൻ മാത്രമേ അവശേഷിക്കുന്നുള്ളുവെന്നും ബാക്കി എല്ലാവരെയം നഷ്ടപ്പെട്ടുവെന്നും മന്ത്രി പ്രതികരിച്ചു. ബന്ധപ്പെട്ട എല്ലാ സംവിധാനങ്ങളും മുഖ്യമന്ത്രി കൂടി ഇടപെട്ട് ചെയ്തിരുന്നു.

ഇന്നലെ രാത്രി തന്നെ പോസ്റ്റ്മോർട്ടം നടപടികൾ ആരംഭിച്ചു. ഇത്തരം സംഭവങ്ങൾ ആവർത്തിക്കാതിരിക്കാനുള്ള ജാഗ്രത നമുക്ക് എല്ലാവർക്കും ഒരുമിച്ച് പുലർത്താം- അദ്ദേഹം പറഞ്ഞു. സ്കൂളിലെ എന്ത് കാര്യമായിരുന്നാലും തങ്ങളുടെ സ്വന്തം കാര്യം എന്നത് പോലെയാണ് ആ അധ്യാപകർ ചെയ്തുകൊണ്ടിരുന്നത്. മാതൃകയാകേണ്ട കാര്യമാണ് അവരവിടെ ചെയ്‌തുകൊണ്ടിരുന്നത്. ശമ്പളം വാങ്ങുന്നതിന് വേണ്ടി പഠിപ്പിക്കുന്നു എന്നതിനപ്പുറം അവർ എന്തൊക്കെയോ ആയിരുന്നു ആ സ്കൂളിന് – മന്ത്രി പറഞ്ഞു.