നമുക്ക് നൽകാം നവജീവിതം അവയവദാന ക്യാമ്പയിന് കൊയിലാണ്ടിയിൽ തുടക്കമായി
- ചടങ്ങ് നഗരസഭ ചെയർപേഴ്സൺ സുധ കിഴക്കേപ്പാട്ട് ഉദ്ഘാടനം നിർവഹിച്ചു
കൊയിലാണ്ടി :പുതിയ കാലത്തെ വെല്ലുവിളിയെ അതിജീവിക്കാൻ കൊയിലാണ്ടി നഗരസഭ കുടുംബശ്രീ സിഡിഎസിന്റെ നേതൃത്വത്തിൽ അവയവദാന ക്യാമ്പയിൻ നമുക്ക് നൽകാം നവജീവിതം പദ്ധതിക്ക് തുടക്കം കുറിച്ചു. ചടങ്ങ് നഗരസഭ ചെയർപേഴ്സൺ സുധ കിഴക്കേപ്പാട്ട് ഉദ്ഘാടനം നിർവഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. ഷിജു അധ്യക്ഷത വഹിച്ചു.
പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ ഇ.കെ അജിത്ത് മാസ്റ്റർ, കൗൺസിലർമാരായ ബിന്ദു പി.ബി, സുധ.സി, പ്രജിഷ, എന്നിവർ ആശംസകൾ അർപ്പിച്ചു സംസാരിച്ചു. ഡോക്ടർ സി. സ്വപ്ന, കെ കെ സത്യപാലൻ( സെക്രട്ടറി ഐപിഎം), വിനോദൻ മാസ്റ്റർ, എന്നിവർ വിഷയാവതരണം നടത്തി. ഡോ:വി. വിനോദ് ( സൂപ്രണ്ട് താലൂക്ക് ഹോസ്പിറ്റൽ ), നിർമ്മല, ബിന്ദു കല (എച്ച്ഐ തിരുവങ്ങൂർ), ശശി കോട്ടിൽ(കോ-ഓർഡിനേറ്റർ)എന്നിവരും സംസാരിച്ചു. സൗത്ത് സിഡിഎസ് ചെയർപേഴ്സൺ വിബിന കെ.കെ സ്വാഗതവും നോർത്ത് സിഡിഎസ് ചെയർപേഴ്സൺ ഇന്ദുലേഖ എം.പി.നന്ദിയും പറഞ്ഞു.
