ബഷീർ അനുസ്മരണം നടത്തി

• ചടങ്ങ് സാംസ്കാരിക പ്രവർത്തകനും കവിയുമായ കരുണാകരൻ കലാമംഗലത്ത് ഉദ്ഘാടനം ചെയ്തു

കൊയിലാണ്ടി: എളാട്ടേരി അരുൺലൈബ്രറിയുടെ നേതൃത്വത്തിൽ ബഷീർ അനുസ്മരണം നടത്തി. വനിതാവേദി കൺവീനർ കെ. അനീഷ അധ്യക്ഷത വഹിച്ച ചടങ്ങ് സാംസ്കാരിക പ്രവർത്തകനും കവിയുമായ കരുണാകരൻ കലാമംഗലത്ത് ഉദ്ഘാടനം ചെയ്തു. ബഷീറിൻ്റെ നോവൽ ‘പ്രേമലേഖനം’ ചർച്ച ചെയ്തു.

സംസ്കാരിക – ഗ്രന്ഥശാലാ പ്രവർത്തക കെ. ജയന്തി ടീച്ചർ പുസ്തകാവതരണം നടത്തി. ലൈബ്രറി സെക്രട്ടറി ഇ.നാരായണൻ ,കെ. എം .ബാലകൃഷ്ണൻ, ഷബ്ന എരിയാരി മീത്തൽ, വിജയൻ ടി, ബാലകൃഷ്ണൻ നമ്പ്യാർ, ടി .എം . ഷീജ എന്നിവർ സംസാരിച്ചു.