വി.പി. രാജൻ കലാ സാംസ്കാരിക കേന്ദ്രം ലൈബ്രറി & റീഡിങ് റൂം വിയ്യൂർ,”ബഷീർ ദിനം” പരിപാടി സംഘടിപ്പിച്ചു

വിയ്യൂർ :വി.പി. രാജൻ കലാ സാംസ്കാരിക കേന്ദ്രം ലൈബ്രറി & റീഡിങ് റൂം വിയ്യൂർ,
“ബഷീർ ദിനം” പരിപാടി സംഘടിപ്പിച്ചു.രാവിലെ അരീക്കൽതാഴെ വച്ചു നടന്ന പരിപാടി കൊയിലാണ്ടി നഗരസഭാ മുൻ കൗൺസിലർ നടേരി ഭാസ്കരൻ ഉദ്ഘാടനം ചെയ്തു.വൈക്കം മുഹമ്മദ്‌ ബഷീറിന്റെ ‘മതിലുകൾ’ എന്ന കൃതിയുടെ ആസ്വാദനം എ.വി. അനിൽകുമാർ വിയ്യൂർ (റിട്ട: ജോയിന്റ് ഡയറക്ടർ, കോ-ഓപ്പറേറ്റീവ് ഡിപ്പാർട്ട്മെന്റ്) നടത്തി.

സുപർണ ടീച്ചർ ചാത്തോത്ത്, എം.പി. ഗീത ടീച്ചർ എന്നിവർ പുസ്തകാസ്വാദന ചർച്ചയിൽ പങ്കെടുത്തു സംസാരിച്ചു. ലൈബ്രറി പ്രസിഡന്റ്‌ ശ്രീജിത്ത്‌ വിയ്യൂർ അധ്യക്ഷത വഹിച്ചു. സെക്രട്ടറി ബാലചന്ദ്രൻ മാസ്റ്റർ നാമംഗലത്ത് സ്വാഗതവും ലൈബ്രേറിയൻ ജയശ്രീ നന്ദിയും പറഞ്ഞു.