വെറ്റിലപ്പാറയിൽ അണ്ടർപാസിനായി ജനകീയ കൂട്ടായ്മ

• അണ്ടർപാസ് നിർമിച്ച് പ്രദേശവാസികൾക്ക് സഞ്ചാര സ്വാതന്ത്ര്യം അനുവദിക്കണമെന്ന് ആവശ്യം

ചേമഞ്ചേരി:എൻഎച്ച് 66ന്റെ നിർമാണം ചേമഞ്ചേരിയിലെ വെററിലപ്പാറ ഭാഗത്ത് ജനജീവിതം ദുസ്സഹമാക്കിയതിനെതിരെ പ്രതിഷേധമുയരുന്നു. എൻഎച്ച്ന്റെ ഇരുവശത്തുമുള്ളവർക്ക് രണ്ട് കിലോമീറ്റർ സഞ്ചരിക്കേണ്ടി വരുന്നത് പരിസര വാസികൾക്ക് ബുദ്ധിമുട്ടാകുന്നു. എൻഎച്ച്ൽ നിന്ന് മൂന്ന് കിലോമീറ്റർ കിഴക്കുള്ള
കൊളക്കാട് ഭാഗത്തെ ജനങ്ങൾ വെറ്റിലപ്പാറയിൽ നിന്നാണ് കോഴിക്കോട് ഭാഗത്തേക്കും
കൊയിലാണ്ടി ഭാഗത്തേക്കും യാത്ര ചെയ്യുന്നത്.

ഇപ്പോൾ അപ്പുറവും ഇപ്പുറവും കടക്കാനാവാതെ യാത്രക്കാർ ബുദ്ധിമുട്ടുകയാണ്. അണ്ടർ പാസ്, ഈ ഭാഗത്ത് അനിവാര്യമാണെന്ന് നാട്ടുകാർ പറയുന്നു.
ഡ്രെയ്നേജ് വഴി കിലോമീറ്ററുകളോളം ഒഴുകി വരുന്ന മലിന ജലം ജനവാസ മേഖ
ലയിലേക്കാണ് തുറന്നുവിടുന്നത്. 70 ഓളം വീടുകളിൽ മഴക്കാലത്ത്
വെള്ളം കയറുകയുണ്ടായി.

കിണറിൽ മലിനജലം ഇറങ്ങി ഉപയോഗശൂന്യമായി. യാതൊരു പരിഹാരവും അധികൃതരുടെ ഭാഗത്തു നിന്നും ഉണ്ടായിട്ടില്ല. മലിന ജലം ഡ്രൈനേജ് നിർമിച്ച് തോട്ടിലേക്ക് ഒഴുക്കി വിടണമെന്നാണ് ആവശ്യം.അണ്ടർപാസ് നിർമിച്ച് പ്രദേശവാസികൾക്ക് സഞ്ചാര സ്വാതന്ത്ര്യം അനുവദിക്കണം, ഡ്രെയ്നേജിന്റെ
പല ഭാഗങ്ങളും മുകളിൽ മൂടാത്തതിനാൽ അപകടങ്ങൾ പതിവായി. അധികൃതരെ പല
തവണ ബന്ധപ്പെട്ടിട്ടും പരിഹാരമുണ്ടായില്ലെന്നും നാട്ടുകാർ കുറ്റപ്പെടുത്തി.തുടർന്നാണ് ബഹുജനപ്രതിഷേധ കൂട്ടായ്മ സംഘടിപ്പിച്ചത്.വാർഡ് മെമ്പർ വിജയൻ കണ്ണഞ്ചേരി ചെയർമാനും അശോകൻ കോട്ട് കൺവീനറുമായി സമരസമിതിക്ക്
രൂപം നൽകി ബഹുജന കൺവൻഷൻ പന്തലായനി ബ്ലോക്ക് പഞ്ചായത്ത്‌പ്രസിഡണ്ട് പി. ബാബുരാജ് ഉദ്ഘാടനം ചെയ്തു. ചേമഞ്ചരി ഗ്രാമ പഞ്ചായത്ത് പ്രസിഡണ്ട് സതി കിഴക്കയിൽ അദ്ധ്യക്ഷയായി. സമരസമിതി കൺവീനർ അശോകൻ കോട്ട് സമര
പരിപാടികൾ വിശദീകരിച്ചു.ജില്ലാ പഞ്ചായത്തംഗം സിന്ധു സുരേഷ്, പന്തലായനി ബ്ലോക്ക് പഞ്ചായത്തംഗം ഷീബ ശ്രീധരൻ, ചേമഞ്ചേരി ഗ്രാമപഞ്ചാത്ത് ക്ഷേമകാര്യ സ്റ്റാൻഡിങ്ങ് കമ്മറ്റി ചെയർമാൻ. വി. കെ അബ്ദുൾ ഹാരിസ്, ഗ്രാമ പഞ്ചായത്തംഗങ്ങളായ സുധ തടവൻ കയ്യിൽ, സി. ലതിക വിവിധ രാഷ്ട്രീയ കക്ഷി പ്രതിനിധികളായ എം. നൗഫൽ, ഷബീർ എളവനക്കണ്ടി, എ. കെ. സുനിൽ കുമാർ എന്നിവർ സംസാരിച്ചു. പി. കെ ഉണ്ണികൃഷ്ണൻ ഭാരവാഹി പട്ടിക അവതരിപ്പിച്ചു വാർഡ്
മെമ്പറും സമരസമിതി ചെയർമാനുമായ വിജയൻ കണ്ണഞ്ചേരി സ്വാഗതവും
ബിനീഷ് ബിജലി നന്ദിയും പറഞ്ഞു.