കൊയിലാണ്ടിയിൽ മെയ്ദിന റാലി ആവേശമായി

• റാലിക്ക് നേതൃത്വം നൽകിയത് കെ. ദാസൻ, അശ്വനി ദേവ്, എൻ. കെ. ഭാസ്കരൻ, ടി. കെ. ചന്ദ്രൻ, അഡ്വ. സുനിൽ മോഹനൻ, അജിത് കുമാർ എന്നിവർ ആയിരുന്നു.

കൊയിലാണ്ടി: അന്താരാഷ്ട്ര തൊഴിലാളി ദിനമായ മെയ് ദിനത്തോടനുബന്ധിച്ച് കൊയിലാണ്ടിയിൽ സംഘടിപ്പിച്ച റാലി ആവേശകരമായി നടന്നു. വിവിധ തൊഴിലാളി സംഘടനകളുടെ നേതൃത്വത്തിൽ നടന്ന റാലിയിൽ നൂറുകണക്കിന് തൊഴിലാളികളും പൊതുജനങ്ങളും പങ്കെടുത്തു.
നഗരത്തിലെ പ്രധാന വഴികളിലൂടെ നീണ്ടുനിന്ന റാലി തൊഴിലാളി ഐക്യവും അവകാശസംരക്ഷണവും ഉന്നയിച്ച മുദ്രാവാക്യങ്ങളോടെ മുന്നേറി.

തൊഴിലാളികളുടെ അവകാശങ്ങൾ ഉറപ്പാക്കണമെന്നും ജീവിത നിലവാരം ഉയർത്തണമെന്നും ആവശ്യപ്പെട്ട് നിരവധി സന്ദേശങ്ങൾ റാലിയിൽ ഉയർന്നു.
റാലിക്ക് നേതൃത്വം നൽകിയത് കെ. ദാസൻ, അശ്വനി ദേവ്, എൻ. കെ. ഭാസ്കരൻ, ടി. കെ. ചന്ദ്രൻ, അഡ്വ. സുനിൽ മോഹനൻ, അജിത് കുമാർ എന്നിവർ ആയിരുന്നു. നേതാക്കൾ റാലിയെ അഭിവാദ്യം ചെയ്ത് തൊഴിലാളികളുടെ ഐക്യത്തിന്റെ പ്രാധാന്യം ചൂണ്ടിക്കാട്ടി.