പട്ടികയിൽ തപാൽ വോട്ട്; വോട്ട് ചെയ്യാൻ കഴിയാതെ ചന്ദ്രൻ തിരിച്ചു പോയി

പേരാമ്പ്ര: ജീവിതത്തിൽ ഇതുവരെ തിരഞ്ഞെടുപ്പുജോലിക്ക് നിയോഗിക്കപ്പെട്ടിട്ടില്ലാത്ത ആളാണ് കൂലിപ്പണിക്കാരനായ കൂത്താളി ഏരൻതോ ട്ടത്തിൽ കെ.സി. ചന്ദ്രൻ (59). എല്ലാ തവണയും ബൂത്തിൽ പോയി വോട്ട് ചെയ്യാറുമുണ്ട്.എന്നാൽ ഈ തവണ രാവിലെ വോട്ട് ചെയ്യാൻ കൂത്താളി എ.യു.പി. സ്കൂളിൽ 44-ാം നമ്പർ ബൂത്തിൽ പോയപ്പോൾ പ്രിസൈഡിങ് ഓഫീസറുടെ കൈവശമുള്ള പട്ടികയിൽ ചന്ദ്രൻ്റെ വോട്ടിനു നേരെ ‘തപാൽ വോട്ട്’ എന്ന് അടയാളപ്പെടുത്തിയിരുന്നു. ഇത്ക്കൊണ്ട് വോട്ട് ചെയ്യാനും സമ്മതിച്ചില്ല .

പോളിങ് എജൻറുമാർക്ക് നൽകിയ പട്ടികയിലോ ബി.എൽ.ഒ. മാർക്ക് അനുവദിച്ച പട്ടിക യിലോ ഇങ്ങനെയൊരു രേഖപ്പെടുത്തൽ പോലും ഉണ്ടായിട്ടില്ല .രേഖാമൂലം പരാതിനൽകിയിട്ടും വൈ കുന്നേരംവരെ ബൂത്തിൽ നിന്നിട്ടും അധികൃതർ വോട്ടു ചെയ്യാനുള്ള അനുവാദം കൊടുത്തില്ല.