ഗുഡ്മോണിംങ് ഇടവേള ഭക്ഷണ പദ്ധതിയ്ക്ക് തുടക്കം

• ഇടവേള ഭക്ഷണം വിതരണത്തിൻ്റെ ഉദ്ഘാടനം കൊയിലാണ്ടി നഗരസഭചെയർപേഴ്സൺ സുധകിഴക്കെപ്പാട്ട് നിർവ്വഹിച്ചു.

കൊയിലാണ്ടി:കൊയിലാണ്ടി നഗരസഭ ‘ദിശ ‘ സമഗ്ര വിദ്യാഭ്യാസപദ്ധതിയിലുൾപ്പെടുത്തി നഗരസഭയിലെ ഒന്നുമുതൽ ഏഴുവരെ ക്ലാസുകളിലുള്ള വിദ്യാർത്ഥികൾക്ക് ഇടവേള ഭക്ഷണം വിതരണത്തിൻ്റെ ഉദ്ഘാടനം കൊയിലാണ്ടി നഗരസഭചെയർപേഴ്സൺ സുധകിഴക്കെപ്പാട്ട് നിർവ്വഹിച്ചു.
വൈസ് ചെയർമാൻ അഡ്വ.കെ സത്യൻ അധ്യക്ഷനായി. ഇംപ്ലിമെൻ്റിങ് ഓഫീസർ ശ്രീമതി കെ.ലൈജു പദ്ധതി വിശദീകണം നടത്തി.

വികസന സ്റ്റാൻ്റിംഗ്കമ്മറ്റി ചെയർപേഴ്സൺ കെ എ .ഇന്ദിര ,വാർഡ് കൗൺസിലർ എ.ലളിത, ഭവിത സി , സ്കൂൾ ഹെഡ്മിസ്ട്രസ് ഷജിത ടീച്ചർ എന്നിവർ ആശംസകൾ നേർന്നു. 22 സ്കൂളുകളിലായി 5000 ത്തിലധികം വിദ്യാർത്ഥിക ളാണ് ഈ പദ്ധതിയുടെ ഗുണഭോക്താക്കൾ ‘ നഗരസഭയിലെ മുഴുവൻ സ്കൂളുകളിലും വാർഡുകളിലെ കൗൺസിലർമാർ ഈ പദ്ധതി ഉദ്ഘാടനം ചെയ്തു.
നഗരസഭാ വിദ്യാഭ്യാസ സ്റ്റാൻ്റിങ് കമ്മറ്റി ചെയർപേഴ്സൺ നിജില പറവക്കൊടി സ്വാഗതം പറഞ്ഞ ചടങ്ങിൽ പി.ടി.എ പ്രസിഡണ്ട് എ സജീവ്കുമാർ നന്ദി പറഞ്ഞു.