അയൽകൂട്ട സംഗമം നടത്തി
- സിഡിഎസ് തല ഉദ്ഘാടനം നഗരസഭാ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ ഷിജു ഉദ്ഘാടനം ചെയ്തു
കൊയിലാണ്ടി: കൊയിലാണ്ടി നഗര സഭ കുടുംബശ്രീ സൗത്ത് സിഡിഎസിന്റെ നേതൃത്വത്തിൽ അയൽകൂട്ട സംഗമം നടത്തി. ചെറിയ മങ്ങാട് ശ്രീദുർഗ്ഗ ഓഡിറ്റോറിയത്തിൽ നടന്ന സിഡിഎസ് തല ഉദ്ഘാടനം നഗരസഭാ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ ഷിജു ഉദ്ഘാടനം ചെയ്തു.
സിഡിഎസ് ചെയർപേഴ്സൺ വിബിന കെ കെ അധ്യക്ഷത വഹിച്ചു. 35 ആം വാർഡ് കൗൺസിലർ വൈശാഖ് കെ കെ, 37 ആം വാർഡ് കൗൺസിലർ വി പി ഇബ്രാഹിം കുട്ടി എന്നിവർ മുഖ്യ അതിഥികളായി. കൗൺസിലർ റഹ്മത്ത്, സി ഡി എസ് മെമ്പർമാരായ നസ്നി, ഉസൈബ, തസ്നി, ജ്യോതി, ഐ ആർ ജി അംഗങ്ങളായ സ്വാതി, ഷീജ എന്നിവർ ആശംസകൾ അർപ്പിച്ചു സംസാരിച്ചു. ചലനം മെൻറ്റർ ഷീല വേണുഗോപാൽ ക്ലാസ്സ് കൈകാര്യം ചെയ്തു. ഉപസമിതി കൺവീനർ ഷീജ സ്വാഗതവും സിഡി എസ് മെമ്പർ ഷൈനി നന്ദിയും പറഞ്ഞു.
CATEGORIES News
