അവധിക്കാലം ആഘോഷമാക്കി ഹിറാഷ്

• പാറപ്പള്ളി റോഡിൽ ഹിറാഷ് അബ്ദുള്ള എന്ന കൊച്ചു പയ്യൻ ആരംഭിച്ച ചെറിയ കടയാണ് നാട്ടുകാരുടെ ശ്രദ്ധ പിടിച്ചുപറ്റുന്നത്.

കൊയിലാണ്ടി :അവധിക്കാലം ആരംഭിച്ചതോടെ കുട്ടികൾ ആഘോഷത്തിലേർപ്പെടുന്നതിനൊപ്പം നാട്ടുമ്പുറങ്ങളിൽ ചെറിയ കച്ചവടങ്ങൾ ആരംഭിക്കുന്ന കൗതുക കാഴ്ചകളും ശ്രദ്ധേയമാകുന്നു. കൊയിലാണ്ടി പാറപ്പള്ളി റോഡിൽ ഹിറാഷ് അബ്ദുള്ള എന്ന കൊച്ചു പയ്യൻ ആരംഭിച്ച ചെറിയ കടയാണ് നാട്ടുകാരുടെ ശ്രദ്ധ പിടിച്ചുപറ്റുന്നത്. അവധിക്കാലം സജീവമാക്കാനും ചെറിയൊരു വരുമാനം കണ്ടെത്താനുമായി ഹിറാഷ് തുടങ്ങിയ ഈ സംരംഭം പ്രദേശവാസികൾക്ക് കൗതുകവും സന്തോഷവും ഒരുപോലെ നൽകുന്നു.

കടയുടെ മുന്നിൽ നിരന്നുനിൽക്കുന്ന നാട്ടുകാർ കുട്ടിയുടെ ആത്മാർത്ഥതയും ഉത്സാഹവും അഭിനന്ദിക്കുകയാണ് ചെറുപ്പത്തിൽ തന്നെ സംരംഭക മനോഭാവം പ്രകടിപ്പിക്കുന്ന ഹിറാഷ് പോലുള്ള കുട്ടികൾക്ക് നാട്ടുകാരുടെ പ്രോത്സാഹനം കൂടിയതോടെ അവധിക്കാലം കൂടുതൽ സജീവവും സൃഷ്ടിപരവുമാകുന്നുവെന്നതാണ് പ്രത്യേകത. ഇത്തരത്തിലുള്ള ചെറുസംരംഭങ്ങൾ കുട്ടികളുടെ ആത്മവിശ്വാസം വർധിപ്പിക്കുന്നതോടൊപ്പം ജീവിതപാഠങ്ങൾ പഠിക്കാൻ സഹായകമാകുന്നതായും പ്രദേശവാസി ആയ പി കെ ബാബു അഭിപ്രായപ്പെട്ടു